مقادير كيكى الاسفنجى المعتمده الناجحه باذن الله
مقاديرالكيك الاسبونج
طبعا انا عملت فى اصغر صينيه مقاس 24 بس شكل ورده
5 بيضات
كوب سكر ناعم مش بودر
فانيليا كيسين
بيكنج باودر معلقتين صغيرين
كوب ومعلقتين دقيق حلويات فاخر
حوالى 5 ملاعق ميه دافيه (فاتره )
معلقه محسن كيك جل
الطريقه
انا باضيف المكونات كلها على بعض فى بوله واضربهم بالمضرب الكهربائى لحد ما يتضاعف كميتهم ولونهم يبقى فاتح زى الكريمه وسمكه العجينه يتقل كده
طبعا نبطن صينيه ونصب خليط الكيك ونسويه
فرن سابق تسخينه وبتاخد حوالى نص ساعه وتكون استوت
والصور هتوضح الشغل
نسيبها لتانى يوم فى التلاجه قبل ما نبدا نزينها واهى صورتها تانى يوم
طبعا هنخلى القعر هو اللى فوق ونساوى الوش لانه بيبقى منتفخ شويه
بصو عاليه ماشاء الله ازاى
نعلم بالكريمه عليها من الجنب ونقسمها
نقطعها تلات ديسكات (طبقات) بالشكل ده
نبدا نعمل الكريم شانتيه
كل كوب كريمه محلاه نضيف لها كوب وربع لبن مثلج او ميه بس انا بحبها باللبن بتكون احلى وادسم
وادى الكريمه جهزت
نبدا نحشيها بالكريمه وكمبوت الخوخ او اى فاكهه من اختيارك
وبعدين نغلفها بالكريمه ونسيبها فى التلاجه حوالى نص ساعه تانى
ورجعنا تانى يالله بينا نغطى التورته انا اخترت عجينه الفندان ودى جبتها جاهزه وجبت الوان طعام بودر ولونتها وغطيت بيها التورته بالون قوس قزح عشان تناسب موسم الربيع والوان الورود معلش العمل مش متقن قوى بس اهى محاوله
واسعدنى مشاركتى ليكم بافكارى المتواضعهوالصور هتبين الشغل والتلويين
دى عجينه الفندان البيضا والكيس بودره التلوين
ده لون احمر واولادى ساعدونى فى ابتكار الالوان
ودى القطاعات اللى عملت بيها شكل الدب والارنب والفراشه اللى على التورته
وبدات اغطى التورته بعجينه الفندان الملونه
ودى صورتها النهائيه
كل سنه وانتو طيبين وعيد ربيع سعيد عليكو ان شاء الله
واشوفكو فى موضوعات قادمه ان شاء الله
ليست هناك تعليقات:
إرسال تعليق