ازيكو يا بنات عاملين ايه
انهارده وصفتنا جميله ومناسبه جدا للشهر الفضيل اشهر نوع حلويات رمضانى هنعمله بطريقه المحلات مقرمش ودهبى ومحشى مكسرات
المقادير
نصف كيلو كنافه طازج طرح اسمها كده يعنى مش مقطعه
كوبين ونصف زيت ذره ايوه المقدار صح كوبين ونص
مكسرات محمصه حسب الرغبه (ممكن ساده برضه بتبقى روعه)
انا بحب احشيها بندق والساده لابنى لانه مش بيحب المكسرات نهائى
ندخل على الطريقه
افردى مقدار كده
وزعى مكسرات بالشكل ده
نبدا نلف ونضغط من تحت لفوق ايد تلف وايد تسند مع الضغط ونهذب الكنافه عشان ما تطلعش منعكشه وفى الاخر نلف بالايادى فى اتجاهين مختلفين الصور هتبين اللف والرص
طبعا بتبقى حلوه لو اتعملت فى صينيه مربعه او مستطيله عشان تترص مفروده بس مش مشكله هنا فى صينيه مدوره اهو وبنرصهم
طبعا انا باسند اللى اتلف باى برطمان تقيل عشان ما تفكش بالشكل ده
هنا خلصنا المقدار
التسويه يا قمامير عشان تطلع دهبيه ومقرمشه لاخر واحده فى طريقتين
الاولانيه
انى باسيبهم يوم فى التلاجه يشمعوا وتانى يوم ارصهم فى شبكه القلايه الكهربائيه واحمرهم
طبعا الطريقه التانيه اللى تناسب الكل
نجيب كوبيتن ونص الزيت بتوعنا ونغمر بيها الكنافه بصو الصور هتوضح
ملحوظه فى ناس بتسوى بدل الزيت سمن بس انا بافضل زيت الذره عشان يستحمل الحراره
ونكون مسخنين الفرن ندخلها بتاخد حوالى ساعه بس طبعا لازم تتابعيها يا فتوكه
وهنا لما خرجت ده اللون المطلوب
نبدا نشيلها نصفيها فى مصفاه سلك كويس قوى من الزيت
بعد ما نفضى الصينيه وهى لسه سخنه نضيف معلقه زبده كده
وطبعا السخونه هتدوبها بسرعه
نرجع فيها الكنافه بتاعتنا اللى صفيناها كويس قوى عشان تاخد طعم الزبده
ونصب الشربات التقيل بتاعنا ده الشربات
مقاديره على السريع
نص كيلو سكر نص لتر ميه عصير ليمونه كبيره ممكن الزبده تتضاف للشربات وممكن تضيفى اعواد قرفه او قرنفل (مسمار) للشربات او ممكن فانيليا حسب الرغبه
هنا لما سقينا الكنافه وبرضه نغمرها بالشربات
وبعدين نصفيها بعد نص ساعه ونقطعها حسب الرغبه
هنا قطعتها كلها وبعدين قدمتها شوفو الصور هى اللى هتتكلم
شوفو المكسرات روعه
اخر قرمشه
اتتفضلو
اتفضلو
دهبين وطعمهم جنان
كده انا خلصت يا رب الموضوع يكون مفيد واكون ضيفه خفيفه على قلوبكم بحبكم كلكم ورمضان كريم
ليست هناك تعليقات:
إرسال تعليق