فطيره الدجاج بالصوص الحلو والحامض بتكنيك التانج زو

اهلا بيكو حبيباتى فى موضوع جديد 
  

 
انهارده هنعمل فطيره الدجاج
طعمها جامد وشكلها حلو كمان
ومكوناتها فى متناول ايديكى

العجينه
2 كوب دقيق
معلقه زبده
معلقه خميره فوريه
ربع معلقه ملح
نص معلقه سكر
كوب زبادى بلدى
بيضه
طريقه العجين

التانج زو

3 ملاعق دقيق بنقلبهم مع كوب ماء على البارد ونرفعها على النار مع التقليب لحد ما يتقل زى البشاميل وده تكنيك التانج زو بيحافظ على طراوه الفطيره 3 ايام واكتر والعجينه دى بنعجن بيها الدقيق ونزود الخميره والزبادى وميه دافيه او لبن لو احتجنا
كله مع بعضه ونعجن بلبن دافى او ميه دافيه المتوافر 
لحد م نحصل على عجينه لينه ومش ملزقه فى ايدينا
ونسيبها تخمر ساعه

الحشوه يابنانيت
ربع كيلو صدور فراخ
اقطعه شرايح
وارفعه على النار مع معلقه زيت دره


نضيف عليهم
بصل مجفف شرايح ومعلقه سماق وملح وفلفل اسود بس كده
يستوى نضيف عليهم معلقه صوص حلو وحامض
بيتباع فى اى ماركت وده شكله

بديل ليه يا بنات
معلقه كاتشب عليها نص معلقه سكره وعصره ليمون
وده شكل الفراخ بعد السوا

ريحتها واااااااااااااااو 
نجيب بقى العجين ونفرد نصه فى صينيه مدهونه زيت ونرفع الجوانب شويه لفوق ونخرم بالشوكه
نضيف الحشو ممكن نزود فلفل ملون وطماطم اوزيتون اللى يحب ونكسر بيضه مضروبه بملح وفلفل اسود نضيف نصها على وش الحشو ونقفل بنص العجينه التانى كده

نشرح الوش على خفيف بالسكينه وندهن الوش بباقى البيضه

طبعا نتركها تخمر تانى نص ساعه
بعدين نسويها بتاخد 20 دقيقه من تحت فى فرن 170 درجه وطبعا بنحمر الوش تحت الشوايه
وده شكلها



شوفو شكلها من الجنب




ودى شكلها فى التقديم 


يا رب يكون الموضوع عجبكم