ازيكو كيف الحال
كل سنه وانتو جميعا بخير
الوصفه المتواضعه ده حبيت اشارك وصفه الحواوشى بتاعتى ه يا رب تعجبكم
المقادير
مقاديرنا مختلفه شويه عن الحواوشى العادى
طبعا المقادير انا كتباها على الصوره
وطبعا زياده عليهم البصل اللى هو اصل الحواوشى
بافرمه كويس كده
وطبعا مننساش الطماطم بس نشيل القلب بتاعها قد ما نقدر عشان ميكونش فيها ميه وتبلبل العيش
احنا فرمنا البصل طبعا
نجيب حله ونسيح فيها حته زبده مع دهن وده اللى بيحلى الحواوشى
اضيف البصل يتشوح كده
لما يصفر نضيف بقى التالى تباعا
الفلفل الملون
المشروم
الطماطم
وعلى جنب فى نفس الحله اضيف السجق الشرقى
وبعدين السجق يتشوح نرفعه فى طبق نقطعه بشويش ونرجعه تانى
ملحوظه ممكن تسيبيه من غير تقطيع
والصور توضح الشغل
وده شكل الخلطه نسيبها على جنب تبرد تماما
نضيف شرايح الزيتونبعد ما بردت الخلطه
فى طبق تانى بقى هنضيف المفروم خللو بالكم مش مفروم احمر لا فيه دهون
ونضيف الملح والفلفل الاسود وخلطه الكفته رووووووووووعه نص الكيس تقريبا ونص كوب موتزريلا
وبعد كده نضيف الخلطتين على بعض بعد ما خلطه السجق تبرد وندمجهم سوا وده شكل الحشوه جاهزه للشغل
بجد يا بنات ريحتها وهميه
طبعا نجيب العيش يفضل يكون نص سوا
بس ده اللى موجود ابيض عادى نفتحه ونحشيه كده
وده شكلهم لما اتحشو
بينا على التسويه
نرصهم فى صاج للفرن
وندهنهم بفرشاه بالزيت وطبعا صاج الفرن كمان
باسخن الفرن وادخلهم وبعد شويه اوطى الفرن واقلبهم ودى مراحل التسويه
وفى الاخر بارصهم فوق بعض واضيف فحمه على حته الدهن اللى فاضله جوا الفرن
وده من جوا
طبعا اللحمه بتكش شويه عشان الدهون
باعمل معاه مخلل باذنجان وبطاطس محمره وساعات مخلل وسلطه كله ماشى الحال
ودى صور التقديم يا رب تعجبكم يا قمرات
الى اللقاء حبيباتى فى موضوعى القادم باذن الرحمن
ليست هناك تعليقات:
إرسال تعليق