ازيكو يا بنات كل سنه وانتو طيبين
وصفتنا هى قرص باللبن الرايب تجنن
المقادير كيلو دقيق كوب ونص سمنه سايحه سخنه مش مقدوحه
سمسم ذره ملح
كوب ونص لبن رايب او حسب العجينه ما تاخد
معلقتين سكر وكيس خميره فوريه
الطريقه انخلى الدقيق وضيفى ذره ملح والسمسم وضيفى السمنه وبثى زى زى ما تكونى بتعملى بسبوسه
الخميره تقلبيها مع السكر فى شويه ميه دافين ولما تشتغل ضيفيها للدقيق وقلبى
وابداى اعجنى شويه بشويه باستخدام اللبن الرايب لحد ما تحصلى على عجينه طريه نوعا ما
سبيها تخمر وبعدين شكليها اقراص ورشي سمسم وسكر على وشها وريحيها نص ساعه قبل الخبز
بتدخل فرن متوسط الحراره لمده 20 دقيقه وبعدين نحمر الوش وبالف هنا
ودى صورها
وهنا مع كوبايه شاى مظبوطه
ليست هناك تعليقات:
إرسال تعليق