ازيكو يا قمامير عملت امبارح عجينه سهله وناجحه يا رب تعجبكم وجمالها ممكن تتشكل كذا حاجه وبرضه نتيجتها جميله
المقادير
3كوب دقيق
3 ملعقه كبيره لبن بودره
معلقه سكر كبيره
كيس خميره فوريه او قطعه بحجم عين الجمل
كوب لبن حليب دافىء للعجن ازيد او اقل حسب العجينه ما تاخد
2 ملعقه طعام زبده بدرجه حراره الغرفه
كوب زبادى
ربع معلقه ملح
الطريقه
ننشط الخميره بشويه سكر (غير المعلقه اللى فى المقادير) وشويه ميه دافيه
نقلب المقادير الجافه
ثم نضيف الزبده ونقلب ثم
نضيف الزبادى ونقلب ثم
نضيف الخميره ونبدا نضيف اللبن الدافى شويه بشويه مع العجن لحد ما نحصل على عجينه طريه ملساء نتركها تخمر ونشكلها زى ما نحب
تترك تخمر نص ساعه بعد التشكيل لاعاده التخمير
وتخبز فى فرن ساخن 200 على الرف اللى تحت لحد ما القعر يشقر نخرج الصوانى ونحمر الوش شوايه
طبعا ندهن الوش بالبيض والفانيليا او لبن بسكر وده انا بفضله لانى مبحبش البيض
وده اللى شكلته منها
خليه محشيه جبن كيرى
هنا خمرت
و بعد التسويه
سقيتها شربات بارد تقيل شويه
ودى صورها
وكمان من نفس العجينه عملت الشوريك
السينابون ممكن يتعمله صوص بس انا بحبه ساده مع النسكافيه والشوريك بالسمسم او حبه البركه او ساده كله نتيجته رووووووعه وهش جدا بس للاسف كنت عايزه اوريهولكم من جوه عامل زى القطن
يا رب موضوعى المتواضع يعجبكو وانتظرو جديدى اسهل وانجح كرواسون
باى باى يا بنات
ليست هناك تعليقات:
إرسال تعليق