صوره للتشويق
ازيكو حبيباتى
انهارده الوصفه سهله وبسيطه ومحببه لولادنا وهى وصفه التشيز كيك بس الاصليه (تشيز كيك نيويورك المخبوزه)
طبعا انا من هواه التشيز كيك سوا بارده او مخبوزه
بس ولادى بيحبو طبقه التشيز رقيقه مش سميكه فالمقادير دى بتاعه صينيه واحده بس لكن انا باعملها لصنيتين عشان طبقه التشيز تبقى رقيقه
ندخل على المقادير
طبقه التشيز
5 بيضات
علبه لبن مكثف محلى (وده السكر بتاعه اللى هنعتمد عليه فى تحليه الوصفه)
معلقتين لبن بودره
معلقه دقيق برضو نسيت اصورها
علبه 250 جرام جبن كريمى انا باستعمل بريذيدن بالقشطه (ممكن بديل 10 قطع كيرى)
طبقه البسكويت
2 باكو بسكويت اولكر او اى بسكويت ساده
طبقه الصوص
علبه كريمه عبوه 200 ملل للكراميل
كوب سكر للكراميل نسيت اصوره
وطبعا فانيليا
الطريقه لطبقه البسكويت
هنطحن البسكويت كويس
ونضيف 3 ملاعق زبده ذائبه ونعجنه
ونفردهم فى الصوانى
ونساوى الطبقه كويس
وندخلهم فرن 180 لمده 10 دقايق ونطلعهم يبردو
الصور هتوضح
الخطوات
طبقه البسكويت
طبقه التشيز
هنضرب مكوناتها كلها مع بعض ونصبها بشويش على البسكويت وتدخل الفرن لمده 20 الى 25 دقيقه
وده شكلها لما استوت
طبقه الصوص
نضيف كوب السكر على معلقتين ميه على نار هاديه خالص بدون تقليب لحد ما السكر يكرمل وبعدين نبعده عن النار ونضيف الكريمه ونرده للنار لحد ما يغلى ونتركه يبرد
نصب الصوص فوق التشيز وتقدم بالف هنا
ليست هناك تعليقات:
إرسال تعليق