*** الفسيخ الحقى اعمليه مع ام حوركاتى بكل تكاته***

ازيكو يا قمرات منورين يا رب تكونو فى صحه وسعاده وفضل ونعمه من الله

موضوعى انهارده


عن طريقه تمليح الفسيخ فى البيت باذن الرحمن انضف واحلى كتير من الجاهز 

ندخل على الشغل







طبعا مقادرنا عباره عن سمك بورى اى كميه تحبيها بس استكبرى الحجم كل ما تكون السمكه اكبرتكون النتيجه افضل


ملح + شطه


نجيب سمكنا نغسله تمام وننضف الخياشيم تماما

بصوا

نمسكه بقى نشفه بورق المطبخ ونحشى الخياشيم برضه بورق المطبخ النشاف

شوفو


نجيب زجاجه او دورق قديم وبطن قعره بورق المطبخ كده


شوفو الصوره توضح


ونوقف السمك بتاعنا على راسه 




بالتفصيل اهو

 
هنسيب السمك واقف على راسه ساعتين او تلاته
بصو هينزل الدم اللى فيه هاوريكو صوره تبين فايده الوقفه دى


شايفين المناديل


ناخده بقى ونحشى الخياشيم تماما بالملح ابو شطه كده


دى اساتك وورق ابيض هنلف بيها الاكياس


ناخد الكيس نبطنه بخلطه الملح والشطه ونرص السمك


ادى الحلوه بتاعتنا

نلف الكيس ونبرمه ونطلع منه الهوا ونلفه فى كيس و اتنين كمان
ونلفه فى ورقنا


وبالاستك زياده تاكيد على اللفه






ونتركه فى مكان فى المطبخ بعيد عن الشمس وعن سخونه الفرن لحد ما يستوى
حوالى 15 يوم

ودى لما استوى


طبعا بعد ما نفكه على جرايد
ننضفه من القشر ومن البطن ونزيل الراس ونعصر   ونقطتين خل وشويه زيت وساعات بحط طحينه عليه واهو جاهز للاكل


 






زووووم


والله يا بنات زبده


شوفو

شويه تكات لافضل نتيجه بعد تكرارى لعمله

*نقى السمكه طازه وجامده وخياشيمها حمرا

*نقى السمكه كبيره عشان لما تستوى تبقى مليانه لحم

*فى الكيس ما ترصيش اكتر من سمكتين عكس بعض راس جنب ديل

*احكمى لفه الكيس لعدم تسرب الميه اللى بينزلها وليها فايدتين الاولى منع انتشار ريحه كريهه

ثانيا الميه هى اللى مسئوله عن تسويه السمك وتسريبها هتطلع الفسيخ ناشف


*اول 3 ايام ما تلمسيش الاكياس

*بدايه من اليوم الرابع قلبى الاكياس كل يوم على جنب عشان السوا ييقى واحد


*السمكه الكبيره بتخد 15 يوم تسويه والصغيره 12 يوم

*فى حاله فسيخك استوى ومش هتاكليه دلوقتى يبقى فى كيس او علبه تلاجه وعلى الفريزر لحين الاك