اهلا وسهلا بالغاليات
صوره تشوقيه
كل سنه وانتو طيبين ويا رب ايامكم كلها خيربدأموسم الربيع والجو بقى دافى والفواكهه الصيفيه هلت وانتشرت بالوانها المبهجه وبالمناسبه الجميله عملت تورته سهله وبسيطه وغير مكلفه والوانها مبهجه يا رب تنال اعجابكن
المقادير
كيلو دقيق سبونج شيكولاته جاهز كل نص هاعمله فى صينيه لاننا باذن الله تورتتنا كبيره تكفى 12 فرديعنى ممكن تقسمى المقادير
كل نص كيلو بياخد
6 بيضات
كيس فانيليا
ربع معلقه خل
نص كوب لبن(ممكن ميه)
الطريقه
بنضرب البيض والفانيليا ومعلقه الخل واللبن كويس قوى وبعدين نضيف الدقيق الاسبونج ونشغل العجان 20 دقيقه على الاقل لحد ما نحصل على كريمه الاسبونج او بمعنى ااقرب الاسبونج لونه يفتح وحجمه يتضاعف ويبقى شبه الكريمه
نصب كل نص كيلو فى صينيه مدهونه ومرشوشه دقيق انا بحب اعملها فى صوانى مستطيله وتدخل الفرن لمده 25 دقيقه وبعد السوا نطفى النار ونسيبها داخل الفرن حوالى 10 دقايق
وهنا بعد ما طلعتها من الفرن
انا دايما باعمل كيك اى تورته قبلها بيوم وابيتها بالتلاجه قبل التزيين
طبعا التزيين حسب الذوق والرغبه
انا استخدمت
للتغليف
نص كيلو كريم شانتيه خام بدون سكر
كوب الا ربع سكر بودره جاهز
معلقتين قشطه معلقتين كاكاو كوبين الا ربع لبن مثلج لضرب الكريمه
للجناب
شيكولت شيبس
للوجهه فواكهه مشكله كريز مسكر
ودهنتها بسيرب تقيل قبل دهن الكريمه وحشيتها كريمه من الوسط واستخدمت جل تلميع للفواكهه
بجد طعمها زى الجاهزه تمام سيبكم من الشكل هههههه
بس طعمها كان روووووعه لاخر قطعه وطريه لمده اسبوع بالتلاجه بجد تعالو بقى نشوف صور الكيك النهائيه الكتييييييير
سلام يا بنات والى اللقاء فى موضوع جديد
ليست هناك تعليقات:
إرسال تعليق