ازيكو
منووووووووووووووووووووووووورين
انهارده عملتلكم قرص طريه محشيه سكر وقرفه وممكن عجوه للفطار
شهيه وهشه وموفره
اتفضلو ...............................................
كيلو دقيق
نصف معلقه صغيره ملح
نص كوب زيت (هنبقى منه حبه حوالى معلقتين لدهن الصوانى)
كوب لبن دافى للعجن
معلقتين زبده بدرجه حراره الغرفه
خميره فوريه حوالى معلقتين كبار ومضاف ليهم معلقه سكر كبيره ومعلقتين ميه دافيه للتخمير
ده النوع اللى بحب استعمله بيكون العجينه بيضاء فل
هو غالى عن اى نوع بس يستاهل
الحشو
هنا انا حشيتها
عجوه
و قرفه وسكر
ممكن شيكولاته بس انا معملتش شيكولاته المره دى
الطريقه
تخمر الخميره فى كوب مضافه لها شويه لبن دافى ومعلقه سكر
زى كده
فى المرحله دى لو الخميره مترفعتش يبقى لا قدر الله مش شغاله
نضيف اللبن للزبده وندفيهم شويه بس مش نسخن عشان الخميره ما تبوظش لان الخميره ماده حيه
معلش مصورتش كل الخطوات
نضيف المكونات كلها سوا ونعجن بايدنا لاكتر من عشر دقايق
(العجن اساسى لنجاح المعجنات )
عشان نحصل على نتيجه ممتاااازه
نغطيها وتترك فى مكان دافى لتتخمر وتزيد فى الحجم
تشكل وتحشى وتترك نص ساعه لاعاده التخمير
يبقى كده خمرناها مرتين خدى بالك
طبعا بعد اعاده التخمر اى بعد مرور نص ساعه نسخن الفرن ونحط الصوانى بتاعتنا من تحت لمده عشر دقايق او لحد ما القعر يشقر
يلون يعنى ونطلعهم وندهن الوش باللبن بشويه سكر ونحمر الوش فى الشوايه
بكده معجناتنا هتبقى قطنيه وطريه جدا
ودى صورهم يا رب تعجبكم
شوفو الهشاشه
زووووووووووووووووووووووووووووم
فى انتظار مشاركاتكم
ردحذف