موضوعنا انهارده عن استغلال بواقى الرز بشكل حلو ولطيف ونعمل منه مقبلات حلوه ولذيذه ونصون نعمه ربنا علينا
دى الشكل النهائى للتشويق
شويه لحم معصج نونو خااااااااااااااالص وفلفل الوان مقطع و شويه زيتون
نقلب العصاج على الفلفل الالوان والزيتون ونظبط توابله وممكن نضيف جبن شيدر لو حبينا
نضيف بطاطسايه مقطعه على الرز بتاعنا نسيت اصورها مع المقادير على شويه ميه وارفعهم على النار
افرد شويه بقسماط مطحون على صينيه وافرد عليهم الرز اللى نشفت منه اى سوائل وملحته وضفت فلفل اسود وضبطت طعمه
اما يبرد اخد منه شويه بعد ما ابل ايدى بميه او زيت واحشيهم بحشوه العصاج
واقفله زى الكفته المحشيه
اعفره بالبقسماط المطون وارصه فى اطباق
ضرورى بعد الخطوه دى ادخله الفريزر حوالى نص ساعه
عشان ميفكش وانا باقليه
وبعدين اقليه فى زيت سخن وغزير ودى النتيجه يمييييي
جنبه شويه كاتشب وتبقى احلى مقبلات فى الدنيا
من جوه الحشوه اللذيذه
لو عجبكم الموضوع متبخلوش عليا بتعليق
ليست هناك تعليقات:
إرسال تعليق