ازيكو يا رب تكونو بخير
موضوعنا انهارده طريقه عمل العيش البيتى وكمان هنعمله فى فرن البوتجاز او الفرن الكهربائى والنتيجه فى الاتنين روعه ندخل على المفيد
دقيق انا باعجن 2 كيلو باتنين كيلو وباحب استعمل النوع ده
وذره ملح
خميره كيس من الفوريه ولو خميره بيره يبقى حته اد عين الجمل بتدوبيها فى شويه ميه دافيه ومعلقه سكر
وميه للعجن
اول حاجه بنشغل الخميره ده اساس شغلنا فى الخبز بمعنى اننا بندوبها فى شويه ميه دافيه مش سخنه ومعلقه سكر ونحطها فى مكان دافى ونغطى عليها لحد ما تشتغل وتفور كده دى خطوه لاى مخبوزات
بصو ماشاء الله الخميره فارت ازاى
نجيب الدقيق ونضيف ذره الملح ونعجن عجينه لينه الى حد ما ونسيبها تخمر ويتضاعف حجمها وبعدن نبدا نقطعها كور بالشكل ده
وبعدين نبدا نفرد علىق دقيق او رده زى ما يعجبك
ابداى فرد من اول واحده قطعتيها عشان تكون مرتاحه معاكى بالشكل ده
وطبعا تفردى وتغطى العجين واللى اتفرد غطيه عشان وشه ما يشققش
طبعا تسبيه يخمر قيمه نص ساعه فى الحر ولو شتاء يبقى المده اطول
اولا لازم تسخنى الفرن كويس قوى لو كهربائى اعمليه على اعلى درجه بس شغليه من فوق وتحت
كده
وابداى حطى العيش بتاعك وهتلاقيه بفضل الله بيرفع معاكى
بصو مراحل التسويه
مافيش رغيف ما قبش بفضل الله
ونفس الكلام لفرن البوتجاز وبيكون برضه قابب وجميل
الصوره اللى جايه دى من فرن البوتجاز اللى عندى بيولع فرن لوحده وشوايه لوحده
وبتحتاجى تقلبيه لان فرنى مش بيشغل الشوايه مع الفرن للاسف
شوفو بقى قلبه ابيض وزى الفل ازاى
وطبعا اللى يطلع تغطيه
شويه صور بقى للنتيجه النهائيه
شوفو جماله ماشاء الله
ليست هناك تعليقات:
إرسال تعليق