ازيكو يا قمرات عاملين ايه
انهارده وصفتنا سهله وسريعه وغير مكلفه وناجحه ان شاء رب العالمين
كرواسون مورق محشى شيكولاته او نوتيلا او مربى او اى حشو تحبيها تنفع للفطار جنب كوبايه نسكافيه
بينا ع
المقادير
2 كوب دقيق فاخر عليهم ذره ملح انا بحب الضحى مش باستعمل غيره بصراحه ممتاز ومش مرطب ولا اى شىء
بيضه وكيس فانيليا
نص كوب لبن دافىء للعجن يزيد او يقل حسب العجين ما ياخد(ساعات باعجن بزبادى)
نص معلقه بيكنج باودر
كيس خميره عليه معلقه سكر كبيره
معلقتين سمن او زبده
الطريقه
نخلط المكونات مع بعض ونعجنهم كويس قوى حوالى عشر دقايق عجن ونقطعهم اربع كور
ونغطيهم يخمرو فى مكان دافى
وده شكلهم بعد ما خمرو
بعد كده ناخد الكور كوره كوره ونفردها اد الرغيف على ورق زبده او على صينيه مدهونه كده الحجم ده
وندهن الكوره اللى فردناها سمنه او زبده كده
والتانيه والتالته والرابعه نفردهم نفس الحجم
الكوره اللى فردناها ودهناها سمنه فاكرينها هنحط عليها الكوره التانيه كده
ندهن ونحط التالته يعنى كل كوره نفردها حجم رغيف وندهنه ونرصاللى بعدها عليها وهكذا
الرابعه مندهنش وشها
وبعد كده نغطيهم وندخلهم ربع ساعه مش اكتر الفريزر ونطلعهم نفردهم بالنشابه عجينه رقيقه نسبيا
كده
نجيب السكينه او قاطعه البيتزا ونقطع العجينه مثلثات زى البيتزا كده ونحشيها زى ما نحب
نلفها زى الهلال لفه الكرواسون المعروفه ونسيبها تخمر ضرورى ضرورى اعاده التخمير قبل الخبز
نجيب بيضه بمعلقه نسكافيه وندهن بيهم الوش
نسخن الفرن وندخلها على الشبكه المتوسطه مش بتاخد اكتر من 20 دقيقه او على حسب حراره فرنك ونحمر الوش فى الشوايه وده النتيجه
مورق
والباقى يتغلفويتشال فى تلاجه او فريزر لو كميه كبيره
سلام حبيباتى
ليست هناك تعليقات:
إرسال تعليق