♥♥اللازانيا بالعجينه البيتى من الالف للياء وبالصور التفصيليه من مطبخ ام حور ♥♥

صوره تشجيعيه عشان ما تزهقوش 



اللازانيا هنقسم الشغل 3 مراحل العجينه
الحشو
الصوص والبشاميل للتغطيهالمقادير
للعجينه

2ونصف كوب دقيق
3 بيضات
ملح وفلفل اسود

الحشو جزء اول

بصله مفرومه
صدر رومى مقطع مكعبات(ممكن عصاج لحم مفروم )
ورق لورى وملح وفلفل

الحشو جزء تانى

3 طماطم
فصين توم حجم كبير

التغطيه

صلصه باشاميل
مقاديرها
كوبين لبن
نصف كوب شوربه
ملح وفلفل ابيض(انا بحب الاسود مش بحب ريحه الفلفل الابيض)
3 قطع جبنه نستو (بنضيفها بعد ما نطفى على البشاميل وهى لسه سخنه)
6 ملاعق دقيق

الطريقه
الصور هتوضح الشغل ان شاء الرحمن




نبدا بالعجينه باذن الله




الدقيق مع البيض وذره الملح






نعجن البيض بالدقيق بشوكه لحد ما نحصل على عجينه متماسكه ولينه
نلمها كويس ونغطيها بكيس نايلون وعلى التلاجه نص ساعه











نشيلها فى التلاجه ونكمل باقى الشغل

الحشوه الجزء التانى الصلصه الحمراء








الطماطم فى الخلاط مع فصوص الثوم ونخلطهم كويس قوى
وبعدين نحطهم على النار بدون اى زيوت تتسبك






الحشو الجزء الاول اللحم


نفرم البصله ونشوحها ونضيف اللحم انا هنا استخدمت لحم صدور رومى بس ممكن لحم مفروم او خضروات بدون لحوم خالص وورق اللورى والملح والفلفل ونص مكعب مرقه ونسيبهم ينضجو












نرجع للعجين اللى فى التلاجه

انا ما عنديش ماكينه مكرونه فابفرد بالنشابه وشويه دقيق
ونقطعه ونسلقه والصور هتوريكو السمك المطلوب





















ونسلقها فى مياه مغليه لمده 3 دقايق وهنعرف انها استوت اول ما تترفع على السطح



البشاميل يا قمرات

نضيف كل المكونات على بعض فى الخلاط
ما عدا الجبنه النستو
ونخلطهم تمام ممكن نضيف معلقه سمن او زبده
ونرفعهم على النار مع التقليب المستمر واول ما نحصل على القوام المناسب نطفى النار ونضيف الجبنه النستو (ممكن شيدر) ونقلب وده شكل البشاميل






نجمع الوصفه سوا
فى القالب
راق بشاميل وراق صلصله وراق لازانيا ولحم ديك رومى وهكذا شوفو الصور















وده صورتها النهائيه