♥♥ فطيره الزبده الهشه من مطبخ (ام حور كاتى)♥♥

ازيكو يا فتوكات
انهارده وصفتنا سهله وتنفع لعشاء خفيف او فطار
وهى فطيره الزبده الهشه

المقادير حبيباتى

3 ونص كوب دقيق
كيس خميره فوريه
معلقتين لبن بودره
ذره ملح
بيضه مع فانيليا
كوب ماء دافى للعجن
زبده سايحه بس مش سخنه
سمسم للوش
سكر للحشو

الطريقه يا قمرات

نضيف الخميره واللبن البودره
والملح للدقيق
نضرب البيضه مع الفانيليا ونضيفها للدقيق ونخلط كويس
نضيف الميه شويه بشويه ونعجن كويس قوى
نسيبها تخمر ويتضاعف حجمها
ونبتدى نشكلها اقراص

(ملحوظه)
ساعات احشى الاقراص اى حشوه تناسبنى(حلو او حادق) بس هنا انا يا دوب حشياها معلقه سكر

وننزل كل فطيره فى طبق زبده اللى سيحناها بس حرارتها مش سخنه لتبوظ العجين لا قدر الله
ونبتدى نرص زى الصوره ونرش الوش سمسم

نسيبها تتخمر وانا مصوراها من الجنب عشان نشوف الخمر بتاعها

شوفو الصور قبل التخمير وبعده




نسويها فى فرن حامى 180 درجه لمده من 20الى 25 دقيقه وممكن تحتاج نحمر الوش بس انا اتحمرت منى شويه
شوفو الصور
ريحه وطعم وهشاشه تجنن









اى موضوع بانزله ارجو به وجه الله وردكم  يشرفنى ويسعدنى
اتمنى الموضوع يفيدكم ويعجبكم

❤ ( احلى جلاش سيجار مقرمش )من مطبخ ام حور كاتى❤ برعاية

بسم الله الرحمن الرحيم

وصفتى انهارده سهله وبسيطه ومكوناتها فى متناول الجميع لو عايزه تعملى حلا فى البرد ده باسرع ما يكون
المقادير
ورقه جلاش
سمن سايح
مكسرات (انا بحبها ساده)
شربات او سيرب
مقادير السيرب
كوب ونص سكر
كوبين ماء
فانيليااوقرفه(حسب الرغبه)
نص ليمونه

الطريقه

كل ورقه جلاش باخدها ادهنها بالفرشه واطبقها نصين واستخدم عصايه مدوره او شماعه مدوره وابرم عليها الورقه مع الضغط باحكام وبعدين اسحب العصايه وارصه فى الصينيه بعد التقطيع
ادهنه بالفرشه واسيبه يشمع شويه نص ساعه قبل دخول الفرن وده بيخليه مقرمش جدا
التسويه فى فرن متوسط الحراره مش بياخد 15 او20 دقيقه
يطلع من الفرن يسقى بالشربات فاتر او بارد فور خروجه من الفرن
ويقدم
ودى النتيجه يا رب تعجبكم 

هنا لسه خارج من الفرن














هنا رصيتهم فوق بعض ما شاء الله دول بورقه ونص جلاش بس
















 
السلام عليكم ورحمه الله
تابعونا على قناتنا على يوتيوب

 

فطيره القشطه بالمكسرات

السلام عليكم ورحمه الله 
قلت انزل موضوع جديد ويناسب ايام البرد اللى داخلين عليها هى فطيره لذيذه فى طعمها وسهله ومكوناتها بسيطه
وطبعا بتغذى وتدى طاقه وتدفى الولاد انا مصورتش مرحله العجن بس هاشرحها مفصله

العجينه

مقاديرها
2 ونص كوب دقيق
كيس خميره فوريه مدوبينه فى نص كوب لبن دافى ومعلقه سكر لسرعه التخمير
رشه بسيطه ملح
3 ملاعق زبده بدرجه حراره الغرفه
بيضه واحده مضروبه بمعلقه فانيليا
لبن دافى للعجن حوالى كوب الا ربع لكوب حسب نوع الدقيق

الطريقه

بنضيف الزبده على الدقيق المنخول وندخله بايدنا فى الدقيق لحد ما يتشرب كله منها نضيف الخميره اللى اشتغلت وزاد حجمها على الدقيق والزبده
ثم البيض
وبعدين نعجن بلبن دافى لحد ما نحصلعلى عجينه بتمط ولينه نسيب العجينه فى مكان دافى لحد ما يتضاعف حجمها وتخمر كويس


الحشو
كوب قشطه من وش اللبن
مكسرات حسب الرغبه
سكر ده كوب القشطه


هناخده نضربه بالويسك مع السكر وكيس الفانيليا لحد ما يبقى زى الكريمه ويبقى قوامه كثيف بالشكل ده




المكسرات نحمصها ونجرشها بشكل خشن كده ونضيف لها جوز هند لو عايزه




نجيب صينيه فرن مدهونه ونفرد جزء من العجينه فى القعر بحيث ترتفع شويه من الجناب
نضيف المكسرات


نقلب القشطه على المكسرات على الفطيره من الوسط ونخلى بالنا نسيب مسافه من الجناب عشان الحشو ميطلعش




ونفرد جزء تانى من العجين نغطى بيه وش الفطيره ونفتح فتحتين بالسكين ونحاول نقفل الجناب على بعضها
كويس قوى

ملكوش دعوه بالزويق بتاعى ههههههه حسى الفنى ضايع




وندهن الوش بالبيض المضروب بشويه نسكافيه او قرفه او فانيليا اى حاجه تودى ريحه البيض





بنسيب الفطيره تخمر تانى حوالى نص ساعه قبل الخبز

وبنخبزها فى فرن 180 درجه من تحت لمده 20 الى 25 دقيقه وبعدين نحمر وشها تحت الشوايه

وده شكلها عند التقديم وبعد السوا














وبالف هنا